زۆر شت هه‌ن که‌ جۆرێک له‌ سیفات و تایبه‌ت مه‌ندیه‌ک درووست ئه‌که‌ن، که‌ جێکه‌ی سه‌رنج و تێبینی ده‌ور و به‌ر بێت ، بۆ نمونه‌ شێوازێک درووست ئه‌کات که‌ کچ و کور پێش وه‌خت شوو بکه‌ن و ژن بهێنن ، یان به‌ پێچه‌وانه‌وه‌ وابکات که‌ دره‌نگ شووبکات یان ژن بهێنن ، یان هه‌ر نه‌چنه‌ ناو ژیانی هاوسه‌رێتیه‌وه‌ ، ئه‌مه‌ جگه‌ له‌وه‌ش که‌ سیفاته‌ که‌سێتییه‌کان رۆلێکی گرنگ و به‌رچاو ئه‌بینن ، که‌ ئه‌توانین هۆکاره‌کان بگێرینه‌وه‌ بۆ چه‌ند لایه‌نێکی که‌سێتی ئه‌ویش رووخسار و ناوه‌رۆک ، هه‌رچی هۆکاری دووه‌مه‌ بۆ لایه‌نه‌ کۆمه‌لایه‌تیه‌کان ئه‌گه‌رێته‌وه‌ یان هۆکاری تری وه‌ک ئابووری. به‌لام ئه‌وه‌ی مه‌به‌ستمانه‌ هۆکاره‌ که‌سێتیه‌کانه‌، وه‌ک.....

ره‌وشت و هه‌لسووکه‌وت و په‌یوه‌ندیه‌ کۆمه‌لایه‌تیه‌کانی ئه‌و که‌سه‌ . به‌ پێی ئه‌زموون و مێژوو ده‌رکه‌وتووه‌ ئه‌و کچانه‌ی یان ئافره‌تانه‌ی که‌ له‌ په‌یوه‌ندیه‌ کۆمه‌لایه‌تیه‌کاندا سه‌رکه‌وتون و په‌یوه‌ندیه‌کی کۆمه‌لایه‌تی به‌ هێزیان هه‌یه‌ و رووخۆشن و (موجامیلن) زیاتر به‌ختی شووکردن یاوه‌ریانه‌، که‌ له‌وانه‌یه‌ پیاوێک ئه‌و سیفاتانه‌ی زیاتر به‌دل بێت و پێی کاریگه‌رتر بێت ، چونکه‌ پیاو هه‌میشه‌ پێویستی به‌ هانده‌رێک و فاکته‌رێکه‌ بۆ ئه‌وه‌ی که‌سێک(کچێک) هه‌لبژێرێت . ئه‌گه‌رچی هه‌ندێک فاکته‌ری وه‌ک جوانی ،ره‌فتار و هه‌لسووکه‌وت له‌ پێشه‌وه‌ی هۆکاره‌کانی ترن،به‌لام ئافره‌تی موجامیل و کۆمه‌لایه‌تی له‌ لای پیاو په‌سه‌نده‌ و جێگه‌ی باوه‌رێتی ،به‌لام کچ و ئافره‌تی گۆشه‌گیر و مرومۆچ و جه‌نه‌بازیان خۆشناوێت ،هه‌رگیز دلیان ناکاته‌وه‌ هه‌ستیان نابزوێنێت،هه‌ربۆیه‌ ئه‌و کچانه‌ی که‌متر به‌خت یاوه‌ریانه‌ وتادره‌نگ شووناکان ، له‌گه‌ل ئه‌وه‌شدا رۆژ به‌رۆژ گۆشه‌گیرو دابراوتر ئه‌بن و بۆخۆشیان زیاتر ناخی خۆیان ئه‌خۆنه‌وه‌، به‌پێچه‌وانه‌شه‌وه‌ زۆر به‌که‌می ئافره‌ته‌ رووخۆشه‌کان ئه‌بینیت که‌ دره‌نگ شوو بکه‌ن یان مابێته‌وه‌ به‌لکو هه‌ر له‌ ته‌مه‌نێکی پێشوه‌ختدا شوو ئه‌که‌ن ، مه‌رجیش نییه‌ ئه‌وانه‌ی شوویان نه‌کردووه‌ ئه‌م بابه‌ته‌ بیانگرێته‌وه‌ چونکه‌ هۆکاری زۆر هه‌ن وا ئه‌که‌ن کچ شوونه‌کات یان بمێنێته‌وه‌ ئێمه‌ قسه‌مان له‌سه‌ر ئه‌م دوو سرووشته‌ یان گرووپه‌یه‌ که‌ کچی رووخۆش و مرومۆچ، ده‌با خۆمان له‌م باره‌یه‌وه‌ توشی قه‌یرانی قه‌یره‌یی نه‌که‌ین و به‌ رووخۆشی له‌ په‌ره‌گرتنی په‌یوه‌ندیه‌ کۆمه‌لایه‌تیه‌کان و په‌یوه‌ندی هاوسه‌رێتیدا بین و هه‌میشه‌ که‌سێک (کچێک)ی رووخۆش و رووخسار شیرین بین له‌وه‌ باشتره ‌ روخسار جوانی ناخ ناشیرین و مرومۆچ بین.. چونکه‌ چه‌ند سیماو روخسارت جوانه‌ که‌ به‌جوانی گفتار و روخۆشی و جوانی ره‌وشت ئارایشت بکه‌یت .