کلیک بکه‌  له‌ سه‌ر  درێژه‌ی بابه‌ت

ده‌سته‌یه‌كی خێرخوازی له‌ ریازی بایته‌ختی وڵاتی سعودیه‌، بیرۆكه‌یه‌كی تازه‌ی داهێنا بۆ هاندانی گه‌نجانی ئه‌و وڵاته‌ بۆ ئه‌وه‌ی واز له‌ جگه‌ره‌كێشان بهێنن، ئه‌ویش به‌وه‌ی هه‌ر كه‌سێك واز له‌ جگه‌ره‌كێشان بهێنێت ئه‌وه‌ له‌ سه‌ر ئه‌ركی ئه‌و ده‌سته‌یه‌ ژنێكی بۆ دێنن.
ده‌سته‌كه‌ ئه‌و بیرۆكه‌یه‌یان له‌ رێگای بڵاوكردنه‌وه‌ی لافیته‌ له‌ شه‌قامه‌كانی ریاز بڵاوكرده‌وه‌ كه‌ له‌ سه‌ریان نووسیبو " وازهێنانی جگه‌ره‌ له‌ سه‌ر تۆیه‌ و ژنهێنانه‌كه‌ش له‌ سه‌ر ئه‌ركی ئێمه‌یه‌".
ئه‌و بیرۆكه‌یه‌ له‌ نێو هاوڵاتیان و گه‌نجانی سعودیه‌ پێشوازیه‌كی زۆری لێكرا و ته‌نانه‌ت ئه‌و گه‌نجانه‌شی كه‌ جگه‌ره‌كێش نه‌بوون ئاماده‌بوون كه‌ بۆ ماوه‌یه‌ك جگه‌ره‌ بكێشن و دواتر وازی لێبێنن.
ئه‌و ده‌سته‌یه‌ كه‌ ناوی "نه‌قا " ی له‌ خۆی ناوه‌ ئاماژه‌ به‌وه‌ده‌كه‌ن ئه‌و كه‌سه‌ی كه‌ به‌شداری له‌ پرۆسه‌كه‌ ده‌كات پێوسته‌ بۆماوه‌ی 7 رۆژ واز له‌ جگه‌ره‌كێشان بهێنێت و دواتر له‌ تیروپشكێكدا ناوی 20 به‌شداربوو ئاشكرا ده‌كرێت و جیا له‌وه‌ی هێنانی ژنه‌كه‌ی له‌ سه‌ر ئه‌ركی ئه‌و ده‌سته‌یه‌ ده‌بێت هه‌موو پێكهاته‌ی ماڵه‌كه‌شی بۆ ده‌كڕن.
به‌ڵام ئه‌و بیرۆكه‌یه‌ له‌لایه‌ن ژماره‌یه‌ك هاوڵاتی سعودیه‌وه‌ ره‌خنه‌ی توندی لێگیراوه‌ به‌ بیانووی ئه‌وه‌ی كه‌ پرۆسه‌ی ژنهێنان پرۆسه‌یه‌كی موقه‌ده‌سه‌و نابێت به‌و شێوه‌یه‌ سووكایه‌تی پێبكرێت.
به‌پێی چه‌ند سه‌رچاوه‌یه‌ك، چاره‌كی دانیشتوانی سعودیا جگه‌ره‌ كێشن.

sc puk