كه‌ڵه‌شێرێكی ئیزعاج 8 هه‌زاردۆلار غه‌رامه‌ دێنێته‌ سه‌ر خاوه‌نه‌كه‌ی

دانیشتوانی گه‌ره‌كی یه‌كێك له‌ شاره‌كانی به‌ریتانیا سكاڵایه‌كیان بۆپۆلیس به‌رزكرده‌وه‌ له‌سه‌ر دراوسێكه‌یان كه‌ كه‌ڵه‌شێرێكی زۆر ئیزعاجی هه‌یه‌و بێزاری كردوون چونكه‌ سه‌عات 4 ی هه‌موو به‌یانیه‌ك به‌ ئاگایان ده‌هێنێته‌وه‌ پێده‌چێت به‌و هۆیه‌شه‌وه‌ كه‌ڵه‌شێره‌كه‌ 8 هه‌زار دۆلار زیان به‌خاوه‌نه‌كه‌ی بگه‌یه‌نێت.

له‌و باره‌یه‌وه‌ ئیدوارد فاندایك به‌رپرسی ژینگه‌ی به‌شی نیوفورست بۆ رۆژنامه‌ی ده‌یلی ته‌لگرافی به‌ریتانی وتویه‌تی "بول ویلتونی 51 ساڵ یه‌كێكه‌ له‌ دانیشتوانی شاری مارشوودی به‌ریتانیا به‌هۆی ئیزعاجبونی دراوسێكانی به‌ده‌نگی گه‌ڵه‌شێره‌كه‌ی چه‌ند جارێك خاوه‌نی ئه‌و كه‌ڵه‌شێره‌م ئاگادار كردوه‌ته‌وه‌ له‌وانه‌یه‌ ئه‌گه‌ر به‌رده‌وام بێت له‌ چاره‌نه‌كردنی ئه‌و كێشه‌یه‌ و ئه‌م كه‌ڵه‌شێره‌ بێده‌نگ نه‌كات له‌خوێندنی به‌یانیان به‌ 8 هه‌زاردۆلار غه‌رامه‌ بكریًت" ئه‌و به‌رپرسه‌ی ژینگه‌ زیاتر له‌و كێشه‌یه‌ دواو ئاماژه‌ی به‌وه‌كرد كه‌ ئامۆژگاری خاوه‌ن كه‌ڵه‌شێره‌كه‌ كراوه‌ بۆ بێده‌نگكردنی و وتی" ویلتون  خاوه‌نی 45 مریشكه‌ ئێمه‌ ئامۆژگاریمانكردوه‌ به‌مه‌رجێك مریشكه‌كانی بمێنێته‌و بیانباته‌ شوێنێكی تاریك هه‌تا كاتێكی دره‌نگ بۆ ئه‌وه‌ی كه‌ڵه‌شێره‌كه‌ی بێده‌نگ بێت له‌خوێندنی به‌یانیان".

به‌پێی دواین قسه‌ی راگه‌یاندنه‌كانیش ئه‌گه‌ر كه‌ڵه‌شێره‌كه‌ی ویلتون به‌م شێوه‌ به‌رده‌وام بێت له‌ ئیزعاجكردنی خه‌ڵكی گه‌ره‌ك ده‌ستبه‌جێ بۆلیس ده‌گاته‌ سه‌ری و له‌وانه‌یه‌ راپۆرتێك ئاراسته‌ی ویلتون بكرێت و بینێرنه‌ دادگا.